छोरा खोद्दा समाजमी छोरी गर्भै मारी
बुझ समाज नारी नै हुन् सृष्टिकर्ता धारी
नाताई न रन्लाग्यो अब रगतकै पनि
धन्न पापी कलि युग यसो केलाई बनि
यसा सन्तान लाग्या पछि काटि दिनु घाटि
अनौठा खबर आउना यै फेसबुक बाटि
ए पापी कलंकहरु जवाफ दिय मलाई
आमाका गर्भमि तैले किन शिसु फलाई
बल्ल था हुँदैछ आज कलि युग भन्या
कति छन् अभागि चेली बाउकै सिकार बन्या
पापीलाई कैल न हुनु हेशिव जी दाइनो
न रन्छ रगतको नाता नत रन्छ साइनो
बस्ने मन छैन अब यै धर्तिमी बास
गरि दे सुर्यका प्वाल पृथ्विको नास